مدينة هابو

مدينة هابو منطقه اثريه جنوب جبانة طيبة على الضفه الغربيه لنهر النيل، أهم اثارها معبد رمسيس التالت الجنازى اللى بيعتبر أعظم معابد الأسره الفرعونيه ال 20. كان بيتصل بيه قصر بيقيم فيه الملك رمسيس وقت الإحتفالات الدينيه. حيطان المعبد اتزينت بنشاطات الملك رمسيس العسكريه و حروبه ضد شعوب البحر على وجه الخصوص. و رسومات للإحتفالات بأعياد آلهه. مدينة هابو بتضم كمان معبد امون و معبد اى و حوريمحيب.

اصل الاسم

اسم المدينه بالمصرى القديم كان تجاميت او دجاميت (Tjamet او Djamet) و بالقبطى كان دجيمى (Djeme او Djemi). اما اسمها النهارده ف مدينة هابو و فى تفسيرين للاسم دا:الاولانى انه مشتق من اسم الوزير اللى اشرف على بناء كتير م المعابد هناك امينحوتيب ابن هابو، التفسير التانى انه مشتق من الكلمه المصريه القديمه هيبو اللى كانت الاسم القديم لابو منجل المقدس sacred ibis اللى كان بيرمو للاله تحوت.